يخسي قلبي ان كان لاجلك يذلني
الحب ماهو مذلة انسان لانسان
ما انخلق للي تحت رجله يحطني
ولا انخلق ياللي عشانه نفسي تنهان
ظنيت فيك حب صادق وشوق وتمني
ظنيت قلبك كله موده وحنان
ويالاسف خاب فيك ظني
اثرك ما تعرف الحب يا فلان
اوهمتني به ونيتك اصلا تذلني
وانا عطيتك حب من خافي الوجدان
توني عرفت ان حبي لك غلطه علمتني
افكر بعقلي قبل قلبي والاعيان
روح توكل ماعاد امرك يهمني
صرت يالمحبوب بصفحة النكران
لاتظن في يوم احن لك ولا حبك يردني
لا والذي سواك ما ارد للي كان
يخسي قلبي ان كان لاجلك يذلني
نفسي عزيزه رافضه في يوم تنهان
